రాజమౌళి 'బాహుబలి' సినిమా దృశ్యాలు బయటకు లీకైన సంఘటన మరువక ముందే మరో లీకేజీ కలకలం తెలుగు సినిమా పరిశ్రమకు షాక్ లా తగిలింది. గుణశేఖర్ ప్రతిష్టాత్మకంగా రూపొందిస్తున్న 'రుద్రమదేవి' సినిమా ఆడియో లీకైనట్లు అంతటా వార్తలు వినిపిస్తున్నాయి. ఈ సినిమా ఆడియోను సోషల్ మీడియాలో అప్ లోడ్ చేసినట్లు ప్రచారం జరుగుతోంది. ఆడియో బయటకు ఎలా లీకైందో తెలుసుకునేందుకు సినిమా యూనిట్ ప్రయత్నిస్తునట్లు తెలుస్తోంది. ఈ చిత్రానికి మాస్ట్రో ఇళయరాజా అద్భుతమైన సంగీతాన్ని అందించాడని, త్వరలో ఈ చిత్రం ఆడియో లహరి ద్వారా విడుదలకానుందని తెలుస్తోంది.