ఎన్నికల ‘కురుక్షేత్రం’ ముంచుకొస్తోంది. పోటీ తీవ్రత రోజురోజుకీ పెరుగుతోంది. దిల్లీ అసెంబ్లీ ఎన్నికల ఫలితాల ప్రభావం దేశ రాజకీయాలనేకాదు, అంతర్జాతీయ రాజకీయ పరిణామాలను ప్రభావితం చేయడం ఖాయం. చిత్రమేమంటే అధికార బిజెపిని ఎదుర్కొంటోంది ప్రధానంగా జాతీయ పార్టీ కాంగ్రెసు కాదు. ఓ సామాన్యుడు ` కేజ్రీవాల్‌ ‘ఆమ్‌ ఆద్మీ’. ఈ ఎన్నికలలో ప్రతిఓటూ విలువైనదే. వందలు / ఒకటి రెండు వేల ఓట్ల తేడాతో పరాజితులు-విజేతలు బయటపడనున్నారు. దిల్లీలో తెలుగువారి సంఖ్య గణనీయంగానే వుంది. వెంకయ్యనాయుడు, నిర్మలా సీతారామన్‌ సర్వశక్తులు ధారపోస్తున్నారు. కానీ ఆంధ్రప్రదేశ్‌ ముఖ్యమంత్రి చంద్రబాబు, పవర్‌స్టార్‌ పవన్‌కళ్యాణ్‌ ప్రచారానికి బయల్దేరకపోవడం ఆశ్చర్యంగా వుంది. అత్యంత ప్రతిష్టాత్మకమైన ఈ పోరులో పవర్‌స్టార్‌ పాల్గొనాలని దిల్లీలోని తెలుగువారు ఎదురుచూస్తున్నారు.
-తోటకూర రఘు