మంచి టాలెంట్ ఉన్న నటుడు శర్వానంద్ ఇటీవల 'రన్ రాజా రన్' తో మంచి విజయం అందుకున్నాడు. ఇప్పుడు ఆయన అదే జోరు చూపించాలని ఉబలాటపడుతున్నాడు. అంతే కాదు.. లవర్ బాయ్ ఇమేజ్ కోసం తహతహలాడుతున్నాడు. కాగా త్వరలో అంటే ఫిబ్రవరి 6 న శర్వానంద్ హీరోగా నిత్యామీనన్ కలిసి నటిస్తున్న 'మళ్ళీ మళ్ళీ ఇది రాణి రోజు' పై ఎన్నో ఆసలు పెంచుకున్నాడు. ఈ చిత్రానికి 'ఓనమాలు' ఫేం క్రాంతిమాధవ్ దర్శకత్వం వహిస్తుండగా కె.ఎస్.రామారావు నిర్మిస్తున్నాడు. కాగా ఈ టైటిల్ ను చాలా ఏళ్ళ కిందట కె.ఎస్.రామారవి నిర్మాతగా చిరంజీవి హీరోగా వచ్చిన 'రాక్షసుడు' చిత్రంలోని పాటలో నుండి తీసుకున్నారు. మంచి పొయిటిక్ గా అందరినీ ఆకట్టుకునేలా ఉన్న ఈ టైటిల్ అందరినీ ఆకట్టుకుంటోంది. మరి త్వరలో విడుదలకానున్న ఈ చిత్రం కూడా అందరి ఆదరణను చూరగొంటుందో లేదో వేచిచూడాల్సివుంది.