యంగ్ హీరో సందీప్ కిషన్ ఖాతాలో మరో ఫ్లాప్ చేరింది. 'వెంకటాద్రి ఎక్స్ ప్రెస్' తర్వాత తనకు వచ్చిన క్రేజ్ ను ఆయన తన అవగాహనా రాహిత్యం, స్క్రిప్ట్ ల ఎంపికలో తప్పిదాల వల్ల పోగొట్టుకుంటున్నాడు. 'డి ఫర్ దోపిడీ, రారా... కృష్ణయ్య, జోరు' తాజాగా 'బీరువా' చిత్రాలతో ఈ హీరో బాగా నిరాశపరిచాడు. మిగతా చిత్రాలకు కనీసం ఓపెనింగ్స్ అయినా వచ్చాయి. కానీ 'బీరువా' పరిస్థితి దారుణం. రెండు అగ్ర నిర్మాణ సంస్థలు కలిసి నిర్మించిన ఈ చిత్రం ఇంత దారుణంగా పరాజయం పాలవుతుందని ఎవ్వరూ భావించలేదు. అయితే సినిమాలో సత్తా లేకపోవడం, మరో పక్క 'పటాస్' దెబ్బకు 'బీరువా' చిత్రం తట్టుకోలేకపోయింది. ప్రస్తుతం సందీప్ కిషన్ ఆశలన్నీ 'టైగర్' చిత్రంపైనే ఉన్నాయి. మరి ఈ ఫ్లాప్ ల నుండి 'టైగర్' అయినా అతడిని బయటపడవేస్తుందో లేదో చూడాలి...!