చైల్డ్ ఆర్టిస్ట్ గా పలు చిత్రాల్లో నటించి 'హనుమాన్ జంక్షన్' చిత్రం ద్వారా తెలుగు ప్రేక్షకులకు పరిచయమై, రవిబాబు దర్శకత్వం లో వచ్చిన 'మనసారా' చిత్రం తో మంచి నటిగా గుర్తింపు తెచ్చుకుంది నటి శ్రీదివ్య. ఆ తరువాత మారుతి దర్శకత్వం లో వచ్చిన 'బస్ స్టాప్' చిత్రం శ్రీదివ్య కు మరింత గుర్తింపు తెచ్చింది. ఈ చిత్రం తరువాత నటన పరంగా మంచి టాలెంట్ వున్న ఈ అమ్మడు పై, మారుతి కి మంచి నమ్మకాలు ఏర్పడ్డాయి. దాంతో త్వరలో నాని హీరోగా మారుతి రూపొందించనున్నచిత్రం కోసం ఎంతో మంది హీరోయిన్లను పరిశీలించిన మారుతికి.. ఎవ్వరూ కరెక్ట్ గా అనిపించక పోవడం తో.. చివరికి శ్రీదివ్య కే ఆ అవకాశం ఇచ్చాడని తెలుస్తుంది. తమిళంలో కూడా శ్రీదివ్య కు మంచి గుర్తింపు వుండటం, మరో పక్క నానికి వున్న తమిళ మార్కెట్ ను కూడా ఉపయోగించుకోవాలని భావిస్తున్న మారుతి కి ఈ ఇద్దరి జోడితో సినిమా చేస్తే సినిమాకు మంచి క్రేజ్ వస్తుందని భావించి, ఆమెకు ఆఫర్ ఇచ్చినట్లు తెలుస్తుంది. ఈ చిత్రం ద్వారా శ్రీదివ్య కు, నానికి హిట్ ఇవ్వడమే కాదు, దర్శకునిగా ఇబ్బందుల్లో వున్న తన కెరీర్ ను కూడా గాడిలో పెట్టుకోవాలని మారుతి భావిస్తున్నాడు. దీంతో ఈ చిత్రం అందరికీ కీలకంగా మారనుంది.