తన కొత్త చిత్రం 'షమితాబ్' ఫస్ట్ లుక్ ను బాలీవుడ్ మెగాస్టార్ అమితాబ్ బచ్చన్ విడుదల చేసి సంచలనం క్రియేట్ చేసాడు. ఈ లుక్ చూసిన వారంతా టెర్రిఫిక్ గా ఉందని ముక్తకంటం తో అంటున్నారు. ఈ సినిమాలో అడ్డదిడ్డంగా పెరిగిన జుట్టు , గెడ్డంతో అమితాబ్ 71 ఏళ్ళ వయసులో కూడా చాలా విభిన్నంగా కనిపిస్తున్నాడు. ఫోటోగ్రాఫర్ల కంటపడకుండా ఈ సినిమా గెటప్ ను ఎక్కువ కాలం దాచి ఉంచడం చాలా కష్టమనీ , అందుకే తాను విడుదల చేస్తున్నానని అమితాబ్ తన ట్విట్టర్ ద్వారా తెలిపాడు. ఈ సినిమా తో కమలహాసన్ చిన్న కూతురు అక్షర కూడా బాలీవుడ్ తెరంగేట్రం చేస్తున్న సంగతి తెలిసిందే. సినిమా షూటింగ్ జరిగేటప్పుడు వందలాది మొబైల్ కెమెరాలు తన చుట్టూ ఉంటాయని, అలాంటప్పుడు వాటి నుండి ఈ గెటప్ ను కాపాడటం చాలా కష్టమని అమితాబ్ తన బ్లాగులో కూడా రాశాడు. 'షమితాబ్' సినిమాకు ఆర్.బాల్కీ దర్శకత్వం వహిస్తున్నాడు.