నందమూరి నటసింహ బాలకృష్ణ హ్యాట్రిక్ డైరెక్టర్ బోయాపాటి తో కలిసి అఖండ తాండవం షూటింగ్ లో బిజీగా వున్నారు. రీసెంట్ గా వారాహి సిల్క్స్ షాప్ ఓపెనింగ్ లో మాత్రమే కనిపించిన బాలయ్య అఖండ 2 షూటింగ్ ముగించే పనిలో ఉన్నారు. కారణం ఈ ఏడాది దసరా కు అఖండ 2 రిలీజ్ అన్నారు మేకర్స్.
మరోపక్క వచ్చే ఏడాది సంక్రాంతికి బోయపాటి-బాలయ్య అఖండ2 తో ఢీ కొడతారనే ప్రచారం కూడా జరుగుతుంది. ఇప్పుడు తాజాగా అఖండ 2 టీజర్ డేట్ లాక్ అయినట్లుగా తెలుస్తుంది. అఖండ తాండవం టీజర్ తో పూనకాలు తెప్పించేందుకు బోయపాటి ముహూర్తం ఫిక్స్ చేశారట. అది నందమూరి బాలకృష్ణ బర్త్ డే కానుకగా జూన్ 10 న అఖండ టీజర్ ని వదిలేందుకు సన్నాహాలు చేస్తున్నట్టుగా సమాచారం.
బాలయ్య బర్త్ డే కి అఖండ 2 టీజర్ చూసి పూనకాలతో ఊగిపోవడం ఖాయమంటూ అభిమానులు అప్పుడే సంబరాల కోసం ప్లాన్ చేసుకుంటున్నారు. అదే బర్త్ డే కి బాలయ్య-గోపీచంద్ మలినేని కాంబో మూవీ అనౌన్సమెంట్ కూడా రాబోతున్నట్టుగా తెలుస్తుంది.