ఉత్తర అమెరికా, మిచిగన్ లోని సాయి సమాజ్ ఆఫ్ సాగినా లో అతిపెద్ద సాయిబాబా విగ్రహం ప్రతిష్టాపన జరిగింది. ఉత్తర అమెరికాలో సాయి భక్తులకు ఒక ముఖ్యమైన మైలురాయినిగా మారి చరిత్రలో గుర్తుండిపోయే విధంగా, సాగినా లోని సాయి సమాజం గురు పూర్ణిమ, జూలై 20, 2024 శుభ సందర్భంగా అతిపెద్ద సాయిబాబా విగ్రహాన్ని ఆవిష్కరించారు. సాగినా లోని సాయిసమాజ్ ఉత్తర అమెరికాలో 7 అడుగుల అద్భుతమైన సాయిబాబా విగ్రహాన్ని కలిగిన మొట్ట మొదటి సాయి బాబా మందిరమును వ్యవస్థాపక అధ్యక్షుడు డా. మురళి గింజుపల్లి నిర్మించారు.
మందిరాలు నిర్మించిన తెలుగు నిర్మాతలు నిజామాబాద్ లో వెంకటేశ్వర స్వామి మందిరాన్ని నిర్మాత దిల్ రాజు నిర్మించారు. మరియు ఇటీవల కోకాపేటలో మూవీ టవర్స్ వద్ద భారీ టెంపుల్‌ నిర్మించారు నిర్మాత దగ్గుపాటి సురేష్ బాబు. అలాగే అమెరికాలో అతి పెద్ద సాయిబాబా మందిరమును నిర్మించి అగ్ర నిర్మాతల సరసన చేరారు రేవు చిత్ర నిర్మాత డా. మురళి గింజుపల్లి.
కన్నుల పండగ గా సాగిన మూడు రోజుల ప్రాణ ప్రతిష్ట వేడుక జూలై 18న ప్రారంభమై జూలై 20న విగ్రహ ప్రతిష్ఠాపనతో ముగిసింది. నార్త్ కరోలినాలోని శంకర మఠానికి చెందిన వేద పండితులు బ్రహ్మశ్రీ మురళీకృష్ణ శర్మ భువనగిరి గారి ఆధ్వర్యంలో జరిగిన ఈ కార్యక్రమంలో సాయి సమాజ్ ప్రధాన పూజారి చిలకమర్రి వెంకట రామానుజం గారు మరియు షిరిడి, వాషింగ్టన్ డిసి, ఒహియో, కాన్సాస్ మరియు మిచిగాన్ వంటి వివిధ రాష్ట్రాల నుండి పూజారులు శ్రీ బొడ్డుచెర్ల శివశంకర ఫణి కుమార్ శర్మ, కృష్ణ చైతన్య ఓరుగంటి భార్గవ శర్మ్ మార్తి, మారుతి శర్మ మాజేటి, యువరాజ్ సులాఖె, అశోక్ బడ్డి, భాగవతుల యుగంధర్ శర్మ, కృష్ణ జన్మంచి వంటి ప్రముఖులతో సహా పదకొండు మంది అర్చకులు పాల్గొన్నారు.
అత్యంత ప్రతిష్టాత్మకం గా మూడు రోజుల పాటు జరిగిన ఈ కార్యక్రమం లో మహా గణపతి పూజ, లక్ష్మీ గణపతి హోమం, వాస్తు హోమం మరియు ఇతర పవిత్ర కార్యక్రమాలతో విస్తృతమైన పూజా విధానాలు జరిగాయి. ప్రధాన పూజారి శ్రీ మురళీకృష్ణ గారు హొమారాధనలో పాల్గొన్న భక్తులకు సంస్కృతం లోని వేద మంత్రాలను తెలుగు, ఇంగ్లీష్ భాషలలో అనువదించడం చాలా అభినందనీయం. అమెరికా లో తాను నిర్వహిస్తున్న ఈ 28వ దేవాలయ ప్రతిష్ట కర్యక్రమం లో పాల్గొన్న భక్తులకు వేద ఆశీర్వచనముల తో అభినందనలు తెలియచేసారు. మూడు రొజుల పాటు సాయి నామ కీర్తనలు, మంత్రోచ్చారణలతో సాయిసమాజ్ ఆఫ్ సాగినా ప్రతిధ్వనించిందని కార్యక్రమంలో పాల్గొన్న పలువురు భక్తులు అభిప్రాయపడ్డారు. 17,000 చదరపు అడుగుల విస్తీర్ణంలో ఉన్న ఆలయ ప్రాంగణంలో 7 అడుగుల సాయిబాబా విగ్రహం మాత్రమే కాకుండా ద్వారకామాయి, శ్రీపాద, శ్రీ వల్లభ, శనీశ్వరుడు, మహా గణపతి, దత్తాత్రేయ విగ్రహాలను కూడా ప్రతిష్టించడం ఈ వేడుకలో ప్రధాన ఆకర్షణ. అతి త్వరలోనే ఇక్కడ ఇంకా దక్షిణా మూర్తి విగ్రహ ప్రతిష్ట, ధుని, నిత్య యాగశాల నిర్మాణం జరగనుంది. ప్రధాన సాయిబాబా విగ్రహ ప్రతిష్ఠాపనకు దాదాపు ఆరు గంటల సమయం పట్టింది, మిచిగాన్‌లోని ట్రై సిటీ ప్రాంతం నుండి అంకితభావంతో కూడిన స్వచ్ఛంద సేవకులు నెలల తరబడి ఖచ్చితమైన ప్రణాళికతో ఈ కార్యక్రమాన్ని పూర్తి చేశారు.
డా. గింజుపల్లి మురళి ఆలయ విశిష్టత గురించి వివరిస్తూ.. డిసెంబర్ 2021లో దాని ప్రారంభోత్సవం మరియు ఆగస్టు 2022లో 2 అడుగుల సాయిబాబా విగ్రహం ప్రతిష్ఠాపన గురించి వివరించారు. శ్రీనివాస్ వేమూరి, కృష్ణ జన్మంచి, హరిచరణ్ మట్టుపల్లి, డా. శ్రీధర్ గింజుపల్లి, సుజని గింజుపల్లి, స్నేహ సుంకర, నీలిమ వేమూరి, లీలా పాలుడుగు, లక్ష్మి మట్టుపల్లి, సౌజన్య హరిబాబు వంటి వ్యక్తుల నిర్విరామ కృషితో, అనేక మంది మద్దతుదారుల ఉదార సహకారంతో ఆలయ నిర్మాణం వేగంగా సాగించి, రికార్డు స్థాయిలో ఆరు నెలల వ్యవధిలో మా కలను సాకారం అయింది అని చెప్పారు.
ఆలయ ప్రధాన ధర్మకర్త శ్రీనివాస్ వెమూరి మాట్లాడుతూ, ఈ ఆలాయ నిర్మాణం చాలా వరకు వాలంటీర్ల సహాయం తోనె జరిగిందన్నారు. ఈ సంధర్భంగా గత మూడు నెలలు గా అహర్నిషలు శ్రమ పడిన ప్రణీత్ కోనేరు, యోగి బాబు, సాంబశివ రావ్ కొర్రపాటి, సామ్రజ్యం కొండపనేని, అనీష గోగినేని, మోనిక భుటి, రోహిణి వైద్య, విద్య తోటకూర, నందిని గౌతం ల తో పాటు వాలంటీర్లందరికి కృతజ్ఞతలు తెలియచేసారు. అలాగే ఆలయ నిర్మాణం కోసం ఆద్యంతం శ్రమ పడిన శ్రీనివాస్ వేమూరి గారిని భక్తులందరు అభినందించారు.
వ్యవస్థాపక అధ్యక్షుడు డా. మురళి గింజుపల్లి మాట్లాడుతూ, USA అంతటా ఈ దేవాలయ నిర్మాణానికి తిరుగులేని మద్దతునిచ్చిన భక్తులందరికీ ప్రగాఢ కృతజ్ఞతలు తెలిపారు.
ప్రాణ ప్రతిష్ఠా కార్యక్రమంలో చివరి రోజు సాయిబాబా పల్లకీ సేవ మరియు శ్రీ వేంకటేశ్వర కళ్యాణం అత్యంత వైభవం గా జరిగాయి. ఈ సందర్భంగా నిర్వహించిన పలు సంస్కృత కార్యక్రమాల్లో నాట్య నిధి నుండి స్వాతి త్యాగరాజన్‌ గ్రూపు చిన్నారు లచే భరతనాట్యం, కళా రత్న కె.వి. సత్యనారయణ గారి పర్యవేక్షణ లో భామా కలాపం నృత్య నాటిక వంటి ప్రదర్శనలు జరిగాయి. షీల్డర్ ధోల్ తాష పాఠక్ వారి డ్రం ప్రదర్శన, మరియు దృష్టి లోపం ఉన్న ప్రతిభావంతులైన కళాకారులచే భక్తి భజనలు ప్రత్యెక ఆకర్షణ గా USA మరియు కెనడా నలుమూలల నుండి హాజరైన భక్తులను విపరీతంగా ఆకట్టుకున్నాయి.
ఈ చారిత్రక సందర్భాన్ని తిలకించేందుకు తరలివచ్చిన వందలాది మంది భక్తులకు మహా ప్రసాద వితరణతో కార్యక్రమం ముగిసింది. సాగినావ్‌లోని సాయి సమాజ్ ఆధ్యాత్మిక మార్గదర్శిగా మరియు భక్తికి కేంద్రంగా మారడానికి అనువుగా ఉందని దీనిని షిరిడీ ఆఫ్ USA అని పిలుస్తామని భక్తులు తెలిపారు.