అసలేం జ‌రిగింది? చిత్ర పోస్ట‌ర్‌ను ఆవిష్క‌రించిన ఎంపీ సంతోష్ కుమార్
ఎక్సోడ‌స్ మీడియా నిర్మిస్తున్న అసలేం జ‌రిగింది? చిత్రం పోస్ట‌ర్‌ను ఎంపీ సంతోష్ కుమార్ శ‌నివారం జ‌రిగిన కార్య‌క్ర‌మంలో ఆవిష్క‌రించారు. ఆయ‌న మాట్లాడుతూ.. శ్రీమ‌తి నీలిమా ప్రొడ్యూస‌ర్‌గా శ్రీరాం హీరోగా రూపొందుతున్న ఈ చిత్రం విజ‌య‌వంతం కావాల‌ని ఆకాంక్షించారు. తెలంగాణ రాష్ట్రంలో ఇంత‌వ‌ర‌కూ ఎవ‌రూ తీయ‌ని కొత్త ప్రాంతాల్లో షూటింగ్ జ‌ర‌పాల‌నుకోవ‌డం అభినంద‌నీయ‌మ‌న్నారు. ఇందుకోసం చిత్ర యూనిట్ ఆరు నెల‌ల పాటు తెలంగాణ‌లోని వివిధ ప్రాంతాల‌ను సంద‌ర్శించ‌డం గొప్ప విష‌య‌మ‌న్నారు. ఈ చిత్రం ద్వారా ద‌ర్శ‌కుడిగా ప‌రిచ‌యం అవుతున్న కెమెరామ‌న్ ఎన్‌వీఆర్‌కు శుభాకాంక్ష‌లు తెలిపారు. శ్రీరాం హీరోగా రూపొందుతున్న ఈ చిత్రానికి మ్యూజిక్‌ను మ‌హావీర్ అందిస్తున్నారు. రామ‌గోపాల్ వ‌ర్మ నిర్మించిన భైర‌వ‌గీత విల‌న్ విజ‌య్ రామ్ ఈ చిత్రంలో ప్ర‌తినాయ‌కుడి పాత్ర‌లో న‌టిస్తున్నారు. ఈ చిత్రానికి క‌థ నెర్ర‌ప‌ల్లి వాసు అందించారు. ఫిబ్ర‌వ‌రి 11 నుంచి ఈ సినిమా షూటింగ్ ప్రారంభం అవుతుంద‌ని... రెండు షెడ్యూళ్ల‌లో చిత్రీక‌ర‌ణ పూర్తి చేస్తామ‌ని నిర్మాత కె. నీలిమా తెలిపారు.
పాట‌ల ర‌చయిత: చిర్రావూరి విజ‌య్ కుమార్,డాక్టర్ చల్లా భాగ్యలక్ష్మి, వెంక‌టేష్.
విజ‌య్ ఏసుదాస్‌, విజ‌య్ ప్ర‌కాష్‌, యాజిన్ నిజార్‌, రాంకీ, భార్గ‌వి పిళ్లై త‌దిత‌రులు చిత్ర గీతాల‌ను ఆల‌పించారు.