జనవరి 1న 'లచ్చిందేవికి ఓ లెక్కుంది' విడుదల
నవీన్‌చంద్ర, లావణ్య త్రిపాఠి జంటగా మయూఖ క్రియేషన్స్‌ బ్యానర్‌పై జగదీశ్‌ తలశిల దర్శకత్వంలో సాయిప్రసాద్‌ కామినేని నిర్మించిన చిత్రం 'లచ్చిందేవికి ఓ లెక్కుంది'. ఈ చిత్రానికి సంగీతం ఎమ్‌. ఎమ్‌. కీరవాణి. ప్రస్తుతం సెన్సార్‌ కార్యక్రమాలు జరుపుకుంటున్న ఈ చిత్రాన్ని న్యూ ఇయర్ 2016 కానుకగా జనవరి 1న విడుదల చేస్తున్నారు. డిసెంబర్ 15న హీరోయిన్ లావణ్య త్రిపాఠి పుట్టినరోజు. ఈ సందర్భంగా మంగళవారం హైదరాబాద్ లో చిత్రయూనిట్ ప్రెస్ మీట్ ను ఏర్పాటు చేశారు.
ఈ సందర్భంగా చిత్ర దర్శకుడు జగదీశ్‌ తలశిల మాట్లాడుతూ...అన్ని వర్గాల ప్రేక్షకులను ఆకట్టుకునే అంశాలతో 'లచ్చిందేవికి ఓ లెక్కుంది' రూపుదిద్దుకుంది. అల్రెడీ ఎస్‌.ఎస్‌. రాజమౌళిగారి చేతుల మీదుగా విడుదల అయిన ఆడియోకి శ్రోతల నుండి అద్భుతమైన రెస్పాన్స్ వచ్చింది. ఎమ్‌. ఎమ్‌. కీరవాణిగారు అందించిన సంగీతం ఈ చిత్రానికి హైలైట్‌ కానుంది. లావణ్యకు పుట్టిన రోజు శుభాకాంక్షలు. న్యూ ఇయర్ 2016 కానుకగా..జనవరి 1వ తేదీన చిత్రాన్ని విడుదల చేస్తున్నాం... అన్నారు.
నిర్మాత ప్రసాద్ కామినేని మాట్లాడుతూ...ఈ చిత్రంలో లావణ్య మూడు షేడ్స్ లో కనపడి మెప్పిస్తుంది. ఈ రోజు లావణ్యగారి పుట్టినరోజు. మా లచ్చిందేవి పుట్టినరోజు సందర్భంగా ఈ రోజు నుండి ప్రమోషన్స్ ను స్టార్ట్ చేశాం. సినిమాను జనవరి 1న ప్రేక్షకుల ముందుకు తీసుకువస్తున్నాం... అన్నారు.
నవీన్ చంద్ర మాట్లాడుతూ...'అందాల రాక్షసి తర్వాత నేను, లావణ్య కలిసి చేసిన సినిమా. ఈ సినిమాలో లావణ్య ఇంకా అందంగా కనపడింది. ఆడియో, ట్రైలర్ కు మంచి రెస్పాన్స్ వచ్చింది. కొత్త సంవత్సరంలో ఈ సినిమా.. మా టీంకు మంచి విజయంతో స్వాగతం పలుకుతుందని భావిస్తున్నాం..' అన్నారు.
లావణ్య త్రిపాఠి మాట్లాడుతూ...'ఈ ఏడాది నాకు లక్కీ ఇయర్. భలే భలే మగాడివోయ్ తో హిట్ అందుకున్నాను. అలాగే ఈ చిత్రంలో నటించే అవకాశం వచ్చింది. ఈ చిత్రం వచ్చే జనవరి 1న విడుదల కావడం ఆనందంగా ఉంది..' అన్నారు.
ఇంకా ఈ కార్యక్రమంలో చిత్రయూనిట్ సభ్యులు పాల్గొన్నారు.
నవీన్‌చంద్ర, లావణ్య త్రిపాఠి, జయప్రకాష్‌రెడ్డి, బ్రహ్మాజీ, అజయ్‌, నర్రా శీను తదితరులు నటించిన ఈ చిత్రానికి సంగీతం: ఎమ్‌.ఎమ్‌. కీరవాణి, పాటలు: శివశక్తిదత్తా, అనంతశ్రీరాం, ఎడిటింగ్‌: కోటగిరి వెంకటేశ్వరావు, డిఓపి: ఈశ్వర్‌, ఎగ్జిక్యూటివ్‌ ప్రొడ్యూసర్‌: ఈ. మధుసూదన్‌రావు,
నిర్మాత: సాయిప్రసాద్‌ కామినేని,
రచన-దర్శకత్వం: జగదీశ్‌ తలశిల