అల్ల‌రోడు డ్రాప్ అయ్యాడా?

`జేమ్స్‌బాండ్‌`తో ఈనెల 26న బాక్సాఫీసు ద‌గ్గ‌ర సంద‌డి చేయాల‌నుకొన్నాడు అల్ల‌రి న‌రేష్. ఆ మేర‌కు సినిమాని కూడా ప‌క్కాగా సిద్ధం చేశారు.  సెన్సార్ కార్య‌క్ర‌మాలు కూడా పూర్త‌య్యాయి. యు/ఎ స‌ర్టిఫికెట్ ల‌భించింది. అయితే ఏమైందో ఏంటో తెలియ‌దు కానీ... సినిమాకి సంబంధించిన  ప్ర‌మోష‌న్ కార్య‌క్ర‌మాలు ఆగిపోయాయి. `జేమ్స్‌బాండ్` ఈనెల 26న విడుద‌ల కావ‌డం లేద‌ని తెలిసింది. ఆ రోజు విడుద‌ల‌య్యే సినిమాలు బోలెడ‌న్ని ఉండ‌టంతో న‌రేష్ త‌ప్పుకోవ‌డ‌మే మేల‌ని ఫిక్స్ అయిన‌ట్టు తెలిసింది. అయితే త‌దుప‌రి  రిలీజ్ డేట్ ఎప్పుడ‌న్న‌ది మాత్రం ఇంకా ఖ‌రారు చేయ‌లేదు చిత్ర‌బృందం.  కొన్నాళ్లుగా వ‌రుస ప‌రాజ‌యాల‌తో ఇబ్బందులు ప‌డుతున్న న‌రేష్ `జేమ్స్‌బాండ్‌`తో హిట్టు కొట్టి తీరాల‌న్న క‌సితో క‌నిపించాడు. శ‌ర‌వేగంగా సినిమాని చేసేశాడు. కానీ `బాహుబ‌లి`, `రుద్ర‌మ‌దేవి`లాంటి భారీ చిత్రాలు ఆయ‌న్ని భ‌య‌పెడుతున్నారు. థియేట‌ర్ల ద‌గ్గ‌ర ఒక‌ట్రెండు వారాల ఖాళీ స్లాట్ దొరికితే అల్ల‌రి న‌రేష్ త‌నివితీరా సంద‌డి చేయ‌డానికి ఆస్కార‌ముండేది. కానీ  భారీ చిత్రాలు వ‌రుస‌క‌డుతుండ‌టంతో అల్ల‌రి న‌రేష్‌లో మ‌ళ్లీ టెన్ష‌న్ మొద‌లైన‌ట్టు తెలుస్తోంది.