రాజ‌మౌళిని త‌ప్పు ప‌ట్టిన న‌టుడు..!

`బాహుబ‌లి` రాజ‌మౌళిని ఎక్క‌డికో తీసుకెళ్లింది. ట్రైల‌ర్ చూసినప్ప‌ట్నుంచి ఆయ‌న గురించి హాలీవుడ్ కూడా ఆరా తీస్తోంది. బాలీవుడ్ నుంచి అయితే ప్ర‌శంస‌ల వెల్లువ కురుస్తోంది. చాలా రోజ‌లు త‌ర్వాత ఓ తెలుగు ద‌ర్శ‌కుడు ప్ర‌పంచ‌వ్యాప్తంగా వెలిగిపోతున్నాడ‌నీ, మ‌న‌మంతా గ‌ర్వ‌ప‌డేలా చేశాడ‌ని తెలుగువాళ్లు ఎంతో సంతోష‌ప‌డుతున్నారు. `బాహుబ‌లి`లాంటి ఎపిక్‌ని తీసినందుకు అంద‌రూ ఆయ‌న్ని పొగిడేవాళ్లే. కానీ  ఓ తెలుగు న‌టుడు మాత్రం విమ‌ర్శించాడు. రాజ‌మౌళినీ, ఆయ‌న తీసిన బాహుబ‌లిని స‌పోర్ట్ చేసే ప్ర‌స‌క్తే లేద‌ని చెప్పుకొచ్చాడు. ఆ వైనం చూసి అంతా ఆశ్చ‌ర్య‌పోతున్నారు. ఇంత‌కీ ఆ న‌టుడు ఎవ‌రో తెలుసా?  సురేష్‌. ప‌లు చిత్రాల్లో క‌థానాయ‌కుడిగా, క్యారెక్ట‌ర్ ఆర్టిస్టుగా న‌టించిన సీనియ‌ర్ న‌టుడు సురేష్‌కి  రాజ‌మౌళి ఓ విష‌యంలో న‌చ్చ‌లేదు. తెలుగులో మ‌హామ‌హుల్లాంటి న‌టులున్నా వాళ్ల‌కు ఎందుకు అవ‌కాశ‌మివ్వ‌లేద‌నీ, బాహుబ‌లిలోని పాత్ర‌ల‌కు జ‌గ‌ప‌తిబాబు, సాయికుమార్‌, సుమ‌న్‌లాంటి న‌టులు బాగా స‌రిపోతార‌నీ, వాళ్ల‌ని కాకుండా వేరొక‌రిని తీసుకొన్నార‌ని ట్వీట్ చేశాడు. అందుకే నేను బాహుబ‌లిని,రాజ‌మౌళినీ సపోర్ట్ చేయ‌లేద‌ని చెప్పుకొచ్చాడు.