ర‌జ‌నీ చిత్రం ఖ‌రారైంది

`లింగ` త‌ర్వాత మ‌రో సినిమా ఒప్పుకోలేదు ర‌జ‌నీకాంత్‌. శంక‌ర్‌తో `రోబో2` చేస్తార‌నీ, మురుగ‌దాస్ ద‌ర్శ‌క‌త్వంలో న‌టిస్తార‌నీ... ఇలా ర‌క‌ర‌కాలుగా ప్ర‌చారం సాగింది. అయితే తాజాగా ఆ ప్ర‌చారానికి తెర‌ప‌డింది. ర‌జ‌నీకాంత్ కథానాయ‌కుడిగా న‌టించ‌నున్న కొత్త చిత్రం ఖ‌రారైంది.  `అట్ట‌క‌త్తి`, `మ‌ద్రాస్‌` అనే చిత్రాల్ని తెర‌కెక్కించి విజ‌యాలు అందుకొన్న రంజిత్ ద‌ర్శ‌క‌త్వంలో న‌టించేందుకు ర‌జ‌నీకాంత్ గ్రీన్‌సిగ్న‌ల్ ఇచ్చిన‌ట్టు తెలుస్తోంది. ఓ ప్ర‌ముఖ నిర్మాణ సంస్థ నిర్మించ‌నున్న ఈ చిత్రానికి సంబంధించి త్వ‌ర‌లోనే అధికారిక ప్ర‌క‌ట‌న వెలువ‌డ‌బోతోంది. `లింగ‌` ప‌రాజ‌యం చ‌విచూడ‌టంతో ర‌జ‌నీకాంత్‌తో స‌హా ఆయ‌న అభిమానులు డీలా ప‌డిపోయారు. ఇప్పుడు కొత్త చిత్రంతో ఎలాగైనా విజ‌యం సాధించాల‌న్న క‌సితో ర‌జ‌నీ రంగంలోకి దిగుతున్నారు.