వినయ్‌, భావన, లేఖా వాషింగ్టన్‌, సంతానం ప్రధాన పాత్రల్లో ఆర్‌.కణ్ణన్‌ దర్శకత్వంలో తమిళంలో రూపొందిన ‘జయమ్‌ కొండాన్‌’ చిత్రాన్ని సత్యదేవా పిక్చర్స్‌ పతాకంపై ‘మార్గం’ పేరుతో తెలుగు ప్రేక్షకులకు అందిస్తున్నారు నిర్మాత సత్యనారాయణ. ఈ చిత్రానికి సంబంధించి పోస్టర్‌ లాంచ్‌ మంగళవారం హైదరాబాద్‌లోని ఫిలింఛాంబర్‌లో జరిగింది. ఈ కార్యక్రమంలో ప్రముఖ దర్శకుడు సాగర్‌, పరుచూరి వెంకటేశ్వరరావు, టి.ప్రసన్నకుమార్‌, నిర్మాత సత్యనారాయణ పాల్గొన్నారు. ఈ సందర్భంగా..
పరుచూరి వెంకటేశ్వరరావు: సత్యనారాయణ నాతో కలిసి కొన్ని సినిమాలకు పని చేసాడు. ఆయన ఈ చిత్రాన్ని తెలుగులో రిలీజ్‌ చేస్తున్నందుకు చాలా ఆనందంగా వుంది. ‘మార్గం’ మంచి విజయాన్ని సాధించి సత్యనారాయణకు మంచి లాభాలు తెచ్చిపెట్టాలని కోరుకుంటున్నాను.
సాగర్‌: ఈ సినిమా అందరికీ నచ్చే అని ఎలిమెంట్స్‌ వున్నాయి. ఫోటోగ్రఫీ కూడా చాలా బాగుంది. ఈ సినిమా ఖచ్చితంగా ఘనవిజయం సాధిస్తుంది.
టి.ప్రసన్నకుమార్‌: తెలుగు ప్రేక్షకులకు సుపరిచితులైన నటీనటులు ఈ సినిమాలో నటించడం వల్ల తప్పకుండా ఆడియన్స్‌కి రీచ్‌ అవుతుంది. తమిళంలో పెద్ద విజయం సాధించిన ఈ సినిమా తెలుగులోనూ విజయం సాధిస్తుందని ఆశిస్తున్నాను.
సత్యనారాయణ: ఒక మంచి కాన్సెప్ట్‌తో చేసిన ఈ సినిమా తప్పకుండా ప్రేక్షకులకు నచ్చుతుందన్న నమ్మకంతో వున్నాం. ప్రేక్షకుల్ని అలరించే అన్ని కమర్షియల్‌ ఎలిమెంట్స్‌ ఈ సినిమాలో వున్నాయి. తమిళ్‌లో 100 రోజులు ఆడిన ఈ సినిమా ఏప్రిల్‌ 3న తెలుగు ప్రేక్షకుల ముందుకు రాబోతోంది. తెలుగు ప్రేక్షకులు కూడా ఈ చిత్రాన్ని ఆదరించి ఘనవిజయం చేకూరుస్తారన్న నమ్మకం నాకు వుంది.
వినయ్‌, భావన, లేఖా వాషింగ్టన్‌, కిషోర్‌, సంతానం, వివేక్‌, శరణ్య మోహన్‌ తదితరులు ముఖ్యపాత్రలు పోషించిన ఈ చిత్రానికి మాటలు: వెంకట్‌ మల్లూరి, సంగీతం: విద్యాసాగర్‌, ఫోటోగ్రఫీ: బాలసుబ్రహ్మణ్యం, కథ, దర్శకత్వం: ఆర్‌.కణ్ణన్‌.