తెలుగు సినీ చరిత్రలో అత్యంత భారీ బడ్జెట్‌తో ప్రతిష్టాత్మకంగా తెరకెక్కుతున్న 'బహుబలి' చిత్ర కోసం యావత్‌ తెలుగు ప్రజలు ఎంతో ఆసక్తిగా ఎదురుచూస్తున్నారు. దాదాపుగా రెండేళ్లుగా షూటింగ్‌ జరుపుకుంటున్న ఈ సినిమా మొదటి భాగాన్ని 2015 ఏప్రిల్‌ 17న ప్రేక్షకుల మందుకు తీసుకొస్తారని చిత్రం యూనిట్‌ ఎప్పటినుంచో చెబుతోంది. అయితే ఈ చిత్రం విడుదల మరో నెల వాయిదా పడింది. మే నెలలో ఈ సినిమా విడుదల చేయడానికి నిర్ణయించారు. ఈ విషయాన్ని త్వరలో అధికారికంగా ప్రకటించనున్నట్లు సమాచారం. ప్రస్తుతం రామోజీ ఫిల్మ్‌ సిటీలో వేసిన సెట్స్‌లో హీరో ప్రభాస్‌, అనుష్కలపై పతాక సన్నివేశాలను చిత్రకరిస్తున్నట్లు సమాచారం. రెండో హీరోయిన్‌గా తమన్నా నటిస్తున్న ఈ చిత్రంలో రానా ప్రతినాయకుడి పాత్రలో కనిపించనున్నారు.