అభిరామ్‌, శృతిరాజ్‌లను హీరోహీరోయిన్లుగా పరిచయం చేస్తూ దేవాస్‌ మీడియా అండ్‌ ఎంటర్‌టైన్‌మెంట్‌ ప్రై. లిమిటెడ్‌, శ్రేయాస్‌ మీడియా పతాకాలపై రజిని తనయ్‌ని దర్శకుడుగా పరిచయం చేస్తూ శ్యామ్‌ దేవభక్తుని, జి.శ్రీనివాసరావు సంయుక్తంగా నిర్మిస్తున్న ప్రేమకథా చిత్రం ‘యస్‌’(అందమైన ప్రేమకథ). ఈ చిత్రానికి సంబంధించిన టీజర్‌ను వాలెంటైన్స్‌ డే సందర్భంగా ఫిబ్రవరి 14న హైదరాబాద్‌లోని సినీమాక్స్‌లో విడుదల చేశారు. ఈ కార్యక్రమానికి ముఖ్యఅతిథిగా విచ్చేసిన ప్రముఖ దర్శకుడు మారుతి ‘యస్‌’ టీజర్‌ను విడుదల చేశారు. ఇంకా ఈ కార్యక్రమంలో హీరో అభిరామ్‌, సంధ్య మోషన్‌ పిక్చర్స్‌ రవి, దర్శకుడు రజిని తనయ్‌, నిర్మాతలు శ్యామ్‌ దేవభక్తుని, జి.శ్రీనివాసరావు, లైన్‌ ప్రొడ్యూసర్‌ ఎస్‌.కె.ఎన్‌., సంగీత దర్శకుడు ఇంద్రగంటి శ్రీనివాస్‌, సినిమాటోగ్రాఫర్‌ గొట్టిపాటి హరీష్‌ తదితరులు పాల్గొన్నారు.
శ్యామ్‌ దేవభక్తుని: ఇది కూల్‌ లవ్‌స్టోరీ. అంతా ఫ్రెష్‌ టీమ్‌తో చేశాం. అన్ని కార్యక్రమాలు పూర్తి చేసుకొని త్వరలో రిలీజ్‌ కాబోతోంది. ఈ చిత్రాన్ని తప్పకుండా ప్రేక్షకులు ఆదరిస్తారన్న నమ్మకం నాకు వుంది.
రజిని తనయ్‌: దర్శకుడుగా నాకు తొలి అవకాశం ఇచ్చిన శ్రీనివాస్‌గారికి, శ్యామ్‌గారికి ధన్యవాదాలు. కథ విన్న 10 నిముషాల్లో శ్రీనివాస్‌గారు ఈ ప్రాజెక్ట్‌ని ఫైనల్‌ చేశారు. ఇందులో నటించిన నటీనటులు, పనిచేసిన సాంకేతిక నిపుణులు సినిమా బాగా రావడం కోసం ఎంతో కృషి చేశారు. తప్పకుండా మీ అందరికీ ఈ సినిమా నచ్చుతుందని భావిస్తున్నాను.
మారుతి: ఒక ఫ్రెష్‌ థాట్‌తో తీసిన సినిమా ఇది. ఇలాంటి సినిమాల్ని ప్రేక్షకులు తప్పకుండా ఆదరిస్తారు. ఈ సినిమా పెద్ద హిట్‌ కావాలని, యూనిట్‌లోని అందరికీ మంచి పేరు రావాలని కోరుకుంటున్నాను.
రవి: శ్రీనివాస్‌గారు ఏ ప్రోగ్రామ్‌ అయినా చాలా ఇన్నోవేటివ్‌గా చేస్తారు. వాలెంటైన్స్‌ డే సందర్భంగా ఈ చిత్రంలోని సాంగ్‌ టీజర్‌ను రిలీజ్‌ చేయడం బాగుంది. ఈ చిత్రానికి సంబంధించిన పోస్ట్‌ ప్రొడక్షన్‌ అంతా మా స్టూడియోలోనే జరిగింది. డైరెక్టర్‌ వాల్యూ వున్న సినిమా ఇది. 100 పర్సెంట్‌ ఈ సినిమా పెద్ద హిట్‌ అవుతుందని నా నమ్మకం.
ఇంద్రగంటి శ్రీనివాస్‌: మ్యూజిక్‌ డైరెక్టర్‌గా ఇది నా తొలి సినిమా. ఈ అవకాశం ఇచ్చిన శ్యామ్‌గారిని, శ్రీనివాస్‌గారిని జీవితాంతం మర్చిపోను. దర్శకనిర్మాతలు నాకు మంచి ఫ్రీడమ్‌ ఇచ్చారు. అందుకే మంచి మెలోడియస్‌ సాంగ్స్‌ని చేసే వీలు కలిగింది. ఇది ఒక వండర్‌ఫుల్‌ మ్యూజికల్‌ ఎమోషనల్‌ గుడ్‌ లవ్‌స్టోరీ.
గొట్టిపాటి హరీష్‌: అందరం కొత్తవాళ్ళం. ఎంతో జాగ్రత్తగా ఈ సినిమా చేశాం. మంచి సినిమాటోగ్రఫీ ఇవ్వడానికి యూనిట్‌లోని అందరూ ఎంతో సపోర్ట్‌ చేశారు.
అభిరామ్‌: నన్ను ఎంకరేజ్‌ చేస్తున్న దర్శకనిర్మాతలకు ముందుగా నా కృతజ్ఞతలు. నన్ను నమ్మి ఈ సినిమాని ప్రొడ్యూస్‌ చేస్తున్నారు. టీమ్‌లోని ప్రతి ఒక్కరూ ఎంతో కష్టపడి ఈ సినిమా చేశారు. తప్పకుండా ఈ సినిమా పెద్ద హిట్‌ అవుతుందని ఆశిస్తున్నాను.
అభిరామ్‌, శృతిరాజ్‌, ఈరోజుల్లో సాయి, పృథ్వి, సూర్య, చిత్రం శ్రీను, రచ్చ రవి, పొట్టి రమేష్‌, రాఘవ, ఫిష్‌ వెంకట్‌ తదితరులు ముఖ్యపాత్రలు పోషిస్తున్న ఈచిత్రానికి సంగీతం: ఇంద్రగంటి, సినిమాటోగ్రఫీ: గొట్టిపాటి హరీష్‌, ఎగ్జిక్యూటివ్‌ ప్రొడ్యూసర్‌: సంపత్‌కుమార్‌, లైన్‌ ప్రొడ్యూసర్‌: సురేష్‌కుమార్‌, ఎడిటింగ్‌: నందమూరి రామ్‌, నిర్మాతలు: శామ్‌ దేవభక్తుని, శ్రీనివాసరావు, దర్శకత్వం: రజిని తనయ్‌.