మాస్‌ మహారాజా రవితేజ, సురేందర్‌రెడ్డి కాంబినేషన్‌లో వచ్చిన ‘కిక్‌’ ఎంత సెన్సేషన్‌ క్రియేట్‌ చేసిందో అందరికీ తెలిసిందే. మళ్ళీ కిక్‌ టీమ్‌తో నందమూరి తారక రామారావు ఆర్ట్స్‌ బేనర్‌లో నందమూరి కళ్యాణ్‌రామ్‌ నిర్మిస్తున్న ‘కిక్‌-2’ క్లైమాక్స్‌ చిత్రీకరణ పూర్తి చేసుకుంది. ఇటీవల విడుదలైన ‘పటాస్‌’ చిత్రంతో హీరోగా, నిర్మాతగా బ్లాక్‌బస్టర్‌ సాధించిన నందమూరి కళ్యాణ్‌రామ్‌ తమ బేనర్‌లో చేస్తున్న ‘కిక్‌-2’ చిత్రాన్ని చాలా భారీ ఎత్తున నిర్మిస్తున్నారు. ఈ చిత్రానికి సంబంధించిన క్లైమాక్స్‌ చిత్రీకరణ రాజస్థాన్‌లోని జైసాల్మీర్‌లో భారీ లెవల్‌లో చిత్రీకరించడం జరిగింది. నెక్స్‌ట్‌ షెడ్యూల్‌ హైదరాబాద్‌లో జరుగుతుంది. ఈ చిత్రాన్ని సమ్మర్‌ స్పెషల్‌గా రిలీజ్‌ చేసేందుకు సన్నాహాలు చేస్తున్నారు నిర్మాత నందమూరి కళ్యాణ్‌రామ్‌. మాస్‌ మహారాజా రవితేజ పుట్టినరోజు జనవరి 26. ఈ సందర్భంగా రవితేజకు పుట్టినరోజు శుభాకాంక్షలు తెలియజేస్తూ ‘కిక్‌-2’ ఫస్ట్‌ లుక్‌ మరియు టీజర్‌ను విడుదల చేశారు.
ఈ సందర్భంగా దర్శకుడు సురేందర్‌రెడ్డి మాట్లాడుతూ ‘‘ఈ సినిమా ‘కిక్‌’కి సీక్వెల్‌ కాదుగానీ అందరికీ డబుల్‌ కిక్‌ ఇచ్చే సినిమా అవుతుంది. ‘కిక్‌’లో రవితేజ, ఇలియానా జంటగా నటించారు. వాళ్ళిద్దరి కొడుకు కథే ‘కిక్‌`2’’ అన్నారు.
నిర్మాత నందమూరి కళ్యాణ్‌రామ్‌ మాట్లాడుతూ ‘‘అతనొక్కడే’ వంటి సూపర్‌హిట్‌ తర్వాత మా సురేందర్‌రెడ్డితో రవితేజ హీరోగా చేస్తున్న సినిమా ఇది. హై టెక్నికల్‌ వేల్యూస్‌తో ఎక్కడా కాంప్రమైజ్‌ అవకుండా ఈ చిత్రాన్ని నిర్మిస్తున్నాం’’ అన్నారు.
మాస్‌ మహారాజా రవితేజ సరసన రకుల్‌ప్రీత్‌ హీరోయిన్‌గా నటిస్తున్న ఈ చిత్రానికి కథ: వక్కంతం వంశీ, సంగీతం: యస్‌.యస్‌.థమన్‌, సినిమాటోగ్రఫీ: మనోజ్‌ పరమహంస, ఎడిటింగ్‌: గౌతంరాజు, ఆర్ట్‌: నారాయణరెడ్డి, ఫైట్స్‌: రామ్‌లక్ష్మణ్‌, నిర్మాత నందమూరి కళ్యాణ్‌రామ్‌, స్క్రీన్‌ప్లే`దర్శకత్వం: సురేందర్‌రెడ్డి.