‘హైదరాబాద్‌ లవ్‌స్టోరీ’ ఆడియో విడుదల
రాహుల్‌ రవీంద్రన్‌, రేష్మి మీనన్‌, జియా ప్రధాన పాత్రల్లో ఎస్‌.పద్మజ సమర్పణలో ఎస్‌.ఎన్‌.ఆర్‌. ఫిల్మ్‌ ఇండియా ప్రై. లిమిటెడ్‌ పతాకంపై పతాకంపై రాజ్‌ సత్య దర్శకత్వంలో ఎస్‌.ఎన్‌.రెడ్డి నిర్మిస్తున్న యూత్‌ఫుల్‌ ఎంటర్‌టైనర్‌ ‘హైదరాబాద్‌ లవ్‌స్టోరీ’. ఈ చిత్రం ఆడియో ఆవిష్కరణ శనివారం హైదరాబాద్‌లోని జె.ఆర్‌.సి. కన్వెన్షన్‌ సెంటర్‌లో జరిగింది. ఈ ఆడియో ఫంక్షన్‌కి ముఖ్య అతిథిగా విచ్చేసిన తెలంగాణ రాష్ట్ర సినిమాటోగ్రఫీ మినిస్టర్‌ తలసాని శ్రీనివాస యాదవ్‌ ఆడియో సీడీలతోపాటు మేకింగ్‌ వీడియోను కూడా ఆవిష్కరించారు. థియేట్రికల్‌ ట్రైలర్‌ను నిర్మాత దామోదరప్రసాద్‌ విడుదల చేశారు. సునీల్‌ కశ్యప్‌ సంగీత సారధ్యంలో రూపొందిన ఈ ఆడియో ఆదిత్య మ్యూజిక్‌ ద్వారా మార్కెట్‌లోకి విడుదలైంది. ఇంకా ఈ ఆడియో ఫంక్షన్‌లో పార్లమెంట్‌ సభ్యుడు జితేందర్‌రెడ్డి, భీమనేని శ్రీనివాసరావు, వి.ఎన్‌.ఆదిత్య, సునీల్‌, సందీప్‌కిషన్‌, నవీన్‌చంద్ర, దీక్షాపంత్‌, మనాలి రాథోడ్‌, నిర్మాత శివకుమార్‌, హీరో అరుణ్‌, రాహుల్‌ రవీంద్రన్‌, రేష్మి మీనన్‌, సునీల్‌ కశ్యప్‌, జియా తదితరులు పాల్గొన్నారు.
తలసాని శ్రీనివాస యాదవ్‌: ఎంటర్‌టైన్‌మెంట్‌తోపాటు మంచి మెసేజ్‌ కూడా వుండే సినిమాలు రావాల్సి వుంది. సినిమా నిర్మాణానికి సంబంధించి ఎలాంటి సమస్యలు వున్నా తెలంగాణ ప్రభుత్వం పరిష్కరించేందుకు సహకారం అందిస్తుంది. ఈ చిత్రంలోని పాటలు బాగున్నాయి. తప్పకుండా ఈ సినిమా ఘనవిజయం సాధిస్తుందని ఆశిస్తున్నాను.
జితేందర్‌రెడ్డి: పాటలు చాలా బాగున్నాయి. తప్పకుండా ఈ సినిమా మంచి విజయాన్ని సాధించాలని కోరుకుంటున్నాను.
భీమినేని శ్రీనివాసరావు: ఎస్‌.ఎన్‌.రెడ్డిగారు నాకు మంచి మిత్రుడు. ఈమధ్య రాహుల్‌ చేసిన అలా ఎలా చిత్రం మంచి హిట్‌ అయింది. సునీల్‌ మంచి మ్యూజిక్‌ ఇచ్చారు. పాటలతోపాటు సినిమా కూడా పెద్ద హిట్‌ అవుతుంది.
వి.ఎన్‌.ఆదిత్య: సునీల్‌ మ్యూజిక్‌ అంటే నాకు ఇష్టం. ఈ సినిమాకి కూడా చాలా మంచి మ్యూజిక్‌ చేశాడు. తప్పకుండా ఈ సినిమా విజయం సాధిస్తుంది.
నవీన్‌చంద్ర: హైదరాబాద్‌కి వచ్చిన తర్వాతే రాహుల్‌ లవ్‌ చేసి పెళ్లి చేసుకున్నాడు. అతనికి యాప్ట్‌ టైటిల్‌ ఇది.
సందీప్‌కిషన్‌: కథను నమ్మే నిర్మాత ఎస్‌.ఎన్‌.రెడ్డిగారికి ఈ సినిమా పెద్ద సక్సెస్‌ను ఇస్తుందనడంలో డౌట్‌ లేదు. రాహుల్‌ నాకు మంచి మిత్రుడు. రాజ్‌సత్య సినిమా బాగా చేశాడనిపిస్తోంది. సునీల్‌ కశ్యప్‌ ది బెస్ట్‌ మ్యూజిక్‌ ఇచ్చాడు.
ఎస్‌.ఎన్‌.రెడ్డి: ముగ్గురి మధ్య జరిగే కథ ఇది. మంచి ఫీల్‌ వున్న లవ్‌స్టోరీ. తప్పకుండా ప్రతి ఒక్కరికీ నచ్చుతుంది.
రాజ్‌సత్య: సినిమా బాగా వచ్చిందంటే దానికి హండ్రెడ్‌ పర్సెంట్‌ మా నిర్మాత ఎస్‌.ఎన్‌.రెడ్డిగారే కారణం. నేను ఏది కావాలన్నా ప్రొవైడ్‌ చేసి సినిమా బాగా రావడానికి తోడ్పడ్డారు. నాకు సహకరించిన ఆర్టిస్టులకు, టెక్నీషియన్స్‌కి థాంక్స్‌ చెప్తున్నాను.
రాహుల్‌ రవీంద్రన్‌: సునీల్‌ చాలా మంచి పాటలు చేశాడు. ఇంఉదో ‘జాజి పువ్వా’ అనే సాంగ్‌ అందరికీ నచ్చుతుంది. ఎస్‌.ఎన్‌.రెడ్డిగారు మంచి క్వాలిటీతో సినిమాని నిర్మించారు. రాజ్‌సత్య చాలా అద్భుతంగా ఈ సినిమా తీశారు. తప్పకుండా అందరికీ నచ్చుతుంది.
సునీల్‌ కశ్యప్‌: ఒక మంచి సినిమా చెయ్యడానికి నిర్మాత రెడ్డిగారు ఎంతో కష్టపడ్డారు. నిజానికి ఈ సినిమాకి ఆయనే హీరో. రాజ్‌ సత్య చాలా బాగా తీశారు.
రావురమేష్‌, అంబటి శీను, మధుమణిచంటి, రమాప్రభ, తాగుబోతు రమేష్‌ తదితరులు మిగతా పాత్రల్లో నటిస్తున్న ఈ చిత్రానికి సంగీతం: సునీల్‌ కశ్యప్‌, కెమెరా: బీవీ అమర్‌నాథ్‌రెడ్డి, ఎడిటర్‌: ఎం.ఆర్‌.వర్మ, ఎగ్జిక్యూటివ్‌ నిర్మాత: రాజేందర్‌రెడ్డి పిన్నింటి, సహనిర్మాత: ఎస్‌.శ్రీలక్ష్మి, నిర్మాత: ఎస్‌.ఎన్‌.రెడ్డి, రచన,దర్శకత్వం: రాజ్‌సత్య.