దేశవ్యాప్తంగా 2014 సార్వత్రిక ఎన్నికలలో ప్రతిపక్షహోదా కూడా దక్కించుకోని కాంగ్రెసుకి ‘భూసేకరణ’ అస్త్రంగా దొరికింది. నిన్నటివరకు మతతత్వ పార్టీ బిజెపి అన్న అపప్రదని నెత్తినేసిన కాంగ్రెసు కార్పొరేట్‌ కొమ్ముకాస్తున్న పార్టీగా - రైతు వ్యతిరేక పార్టీగా బిజెపికి ముద్రవేయడానికి; బిజెపి వ్యతిరేక కూటమిని ఏర్పాటు చేయడానికి ఓ అవకాశం దొరికింది. అలాగే, రాష్ట్రాన్ని విభజించి ఆంధ్రుల పీకనులిమిన పార్టీగా ఆంధ్రుల ఛీత్కారానికి గురయిన కాంగ్రెసు పార్టీ అటు కేంద్రంలో ఇటు రాష్ట్రంలో ఆంధ్రప్రదేశ్‌ ప్రత్యేక హోదా; పోలవరం జాతీయ ప్రాజెక్టు; లోటు బడ్జెట్‌; రాజధాని నిర్మాణానికి నిధుల పేరిట కేంద్ర అధికార బిజెపి పార్టీని - రాష్ట్ర టిడిపిని వ్రేలెత్తిచూపే అవకాశాన్ని దొరకబుచ్చుకున్నది.
ప్రతిపక్షాలు బలపడే అవకాశాన్ని బిజెపి కల్పిస్తోంది; అదే సమయంలో రాష్ట్రంలో గందరగోళాన్ని సృష్టించడంలో చంద్రబాబుని చికాకుపెట్టడంలో జగన్‌ విజయం సాధిస్తున్నారు!
- తోటకూర రఘు
Loading..