SSMB 29 - వేరే లెవల్ ప్లానింగ్

ప్రపంచవ్యాప్తంగా ఎంతో మంది ఫిలిం మేకర్స్ ఎదురు చూస్తున్న సినిమా SSMB 29 ఇటీవలే షూటింగ్ ప్రారంభమైంది. మహేష్ బాబు, ప్రియాంకా చోప్రా ప్రధాన పాత్రల్లో నటిస్తున్న ఈ సినిమాలో కొంత భాగం షూట్ అయ్యింది. అయితే కొన్ని సన్నివేశాలను చిత్రీకరించిన తర్వాత ప్రియాంకా చోప్రా ఒక పెళ్లి వేడుకకు హాజరుకావడానికి ముంబైకి వెళ్లిపోయింది. ప్రస్తుతం ఆమె అవసరం లేని సీన్లు చిత్రీకరించబడుతున్నట్లు సమాచారం.

ఈ చిత్రాన్ని జక్కన్న రాజమౌళి పైలట్ మోడల్ లో తీస్తున్నట్లు సమాచారం. అంటే ఫైనల్ రష్ సరిపోకపోతే ఆ సన్నివేశాలను తొలగించవచ్చు. ఇందులో నటించే ఆర్టిస్టుల అంగీకారంతో ఇది జరగనుంది. సాధారణంగా ఇది ఒక ట్రయల్ మ్యాచ్ లాంటిది. అయినప్పటికీ ఈ చిత్రాన్ని బాగా రూపొందిస్తున్నారు అని వినికిడి.

ఇంకా ఈ ప్యాన్ ఇండియా సినిమా కోసం హైదరాబాద్ లో ప్రత్యేకంగా మణికర్ణికా ఘాట్ ను సెట్ రూపంలో నిర్మించారని విశ్వసనీయ సమాచారం అందింది. అక్కడ ఫ్లాష్ బ్యాక్ సీన్లు ఉంటాయని అంటున్నారు. మహేష్ బాబు ఇంట్రో సీన్ నగరంలోనే చిత్రీకరించాలని భావిస్తున్నారని కూడా తెలుస్తోంది. అల్యూమినియం ఫ్యాక్టరీలో ఇప్పటికే కీలక సెట్లు పూర్తయ్యాయి.

ఆఫ్రికాలో అడవి నేపధ్యానికి సంబంధించిన కొన్ని ఎపిసోడ్స్ షూట్ చేయడానికి జట్టు వెళ్ళనున్నట్టు సమాచారం. అయితే ఈ పథకానికి సంబంధించి షెడ్యూల్స్ ఇంకా ఖరారు చేయలేదని నటీనటులపై ఇంకా పనులు కొనసాగుతాయని తెలుస్తోంది. హీరోయిన్ విలన్ ముఖ్యమైన సపోర్టింగ్ క్యాస్ట్‌ని పూర్తిగా ఫైనల్ చేసిన తర్వాత షెడ్యూల్స్ పథకాన్ని ప్లాన్ చేస్తారు. అప్పటి వరకూ జట్టు ఇండియాలోనే షూట్ చేస్తుంది.

రాజమౌళి ఈ ప్రాజెక్ట్‌ను ఏడాదిన్నరలోపు పూర్తి చేయాలని లక్ష్యంగా పెట్టుకున్నారు. ఈ సినిమా కోసం మహేష్ బాబు పూర్తి సహకారం అందిస్తారని తెలుస్తోంది. మరోవైపు కీరవాణి మ్యూజిక్ సిట్టింగ్స్ ప్రారంభించబోతున్నారు. బాహుబలి, ఆర్ఆర్ఆర్ చిత్రాల తరువాత ఈ సినిమాకు అత్యధిక ప్రతిస్పందన ఉండాలని పాటల విషయంలో ప్రత్యేక శ్రద్ధ తీసుకుంటున్నట్లు సమాచారం.

ఇక ఈ సినిమాలో ప్రియాంకా చోప్రా మెయిన్ హీరోయిన్ కాదని దాదాపు ఖరారైనట్లు తెలుస్తోంది. అధికారిక ప్రెస్ మీట్ ద్వారా ఆమె పాత్రను రాజమౌళి ప్రకటించే వరకు ఈ విషయం అధికారికంగా ప్రకటించవద్దని ఆయన నిర్ణయించారు. అయితే ఈ ప్రాజెక్ట్ త్వరగా పూర్తి చేసి వచ్చే సంవత్సరం రిలీజ్ చేయాలని అభిమానులు కోరుకుంటున్నారు.